శరద్రుతు వెన్నెలలు కురిపించు

 

నీ ఊసులను పల్లవిగా చేసుకొని
నా ఊహలను చరణాలుగా మలచుకొని
జ్ఞాపకాలను జావళీలుగా మార్చుకొని
పదే పదే పాడుతున్నా నా ప్రేమ గీతాన్ని

ఒంటరి నక్షత్రమై నేను మిగిలినా...
మది వీణియను శృతి చేయరావా..
వసంత గీతాన్ని ఆలపించలేవా
కరుగుతున్న కాలాన్నీ
మరుగుతున్న జీవితాన్ని అక్కున్న చేర్చుకోవా

నీ పారవశ్యంతో మూతబడుతున్న కనులు
నీ విరహంతో వేగిపోతోన్న మనసు
వెల్లువలా ఎగసిపడే భావోద్వేగాలు
గమ్యంలేని పయనాలు
దిక్సూచివై కురిపించవా శరద్రుతు వెన్నెలలు
- రాజాబాబు కంచర్ల