ఉషస్సులు...ఉగాదులు లేని
నాదైన చిన్ని ప్రపంచంలోకి
మలయమారుతంలా వచ్చావెందుకు..!
మనసులోని ఆశలు
మరుగునపడిన శిశిరవేళలో
నా అంతరంగంలోకి తొంగిచూసావెందుకు..!
మనసు పొరల్లో నిక్షిప్తమైవున్న
ప్రేమైక జీవనాన్ని మేల్కొలిపి
జ్ఞాపకాల తడిని తడిమావెందుకు..!
మది కోవెలలో కొలువైన
అస్పష్ట రూపాన్ని స్పృశించి
హృదయవీణా తంత్రులను మీటావెందుకు..!
మౌన స్వరాలను పలికించి
మది వీణియను మ్రోగించి
మధ్యలోనే నిలిపేశావెందుకు..!
- రాజాబాబు కంచర్ల
21-04-2016
కామెంట్‌లు లేవు:
కామెంట్‌ను పోస్ట్ చేయండి