నీ తలపులు చెలమలుగా...

నీ తలపులు మదిలో

చెలమలుగా ప్రవహిస్తుంటే
క్షణాలు నిమిషాలుగా
దినాలు మాసాలుగా
గడిచిపోతుంటే...
మదిలోని నీ రూపం
హృదయమంతా అల్లుకుంటుంటే
భౌతికంగా దూరం ఎంతున్నా..
మానసికంగా అడుగులు వేస్తుంటే
మనస్సులోని నీ స్థానం ఎప్పటికీ పదిలం
నీవిచ్చే స్ఫూర్తి నా నడకకు ఆలంబనం
చివరి శ్వాసవరకూ...
నీ ఆకర్షణలో మునగనీ
నీ ధ్యానంలో పయనించనీ
నీ ప్రేమలో పరవశించనీ
విరహమైనా..ప్రణయమైనా
చెదరని నీ ప్రేమ సాక్షిగా
తుదివరకూ నిలువనీ....

- రాజాబాబు కంచర్ల
18-07-2016