మోయలేని భారం

కవితల్లో నిను చూస్తున్నా...

తలపుల్లో నిను కాస్తున్నా...
ఏం చేయను మరి..
నీవో ఏకాంతవాసివి
నేనో ప్రేమపిపాసిని

వెంటాడే నీ తలపులతో నిదురలేని రాతిరి
వెన్నంటివుండే జ్ఞాపకాలతో గడుపుతున్న ఒంటరి
నీ ఊసుల కోసం ఉవ్విళ్లూరుతోంది మనసు
నీ ఓదార్పు కోసం తహతహలాడుతోంది తనువు

అర్థంకాని చంధస్సులా నువ్వు
పడికట్టు పదాల కూర్పులా నేను
మౌనిలా నువ్వు
యోగిలా నేను
ఇది మోయలేని భారం
ఇది నీడలాంటి వేదనం

- రాజాబాబు కంచర్ల
15-07-2016