వీడిపోనంటూ బాసలు చేసి

విరిసిన హరివిల్లే నీ వదనం
మమతల విరిజల్లే నా హృదయం
నీ సన్నిధి ప్రతి క్షణం ఓ వసంతం
నా ఎదలో సముద్రమై పొంగే సంతోషం

నీ స్పర్శతో పరవశమేదో రగులుతువుంటే
ఏదో వింతలు ఎదలో చేరి సరిగమలే పలుకుతువుంటే
తెరచాటు సంకోచాలే సడలుతువుంటే
జన్మజన్మలకీ ఇదే ప్రేమను వాంఛిస్తున్నా
మనసులోని కోరికకే బలముంటే

వీడిపోనంటూ మనసుబాసలు చేసి
వలపుల రాణివై మనసుకు బంధం వేశావు
మదిలోని రంగుల కలను నిజం చేసి
నా చిన్ని ప్రపంచాన్ని రసమయం చేశావు

- రాజాబాబు కంచర్ల
05-05-2016