నీవు వెళ్లిన తర్వాత పూదోట బావురుమంటోంది.
నీ ఆలోచనలతో మనసు వికలమౌతోంది.
ఏ పనిపైనా ఏకాగ్రత పెట్టలేకపోతున్నా.
కనీసం పుస్తకాలు కూడా చదవలేని పరిస్థతి.
ఆ ఆలోచనల నుండి బయట పడదామని
విశ్వ ప్రయత్నం చేశా..
అందులో భాగంగానే నీకు ఉత్తరాలు రాయలేకపోయా.
కానీ నా ప్రయత్నం విఫలమైంది..
మదినిండా నువ్వే ఉన్నప్పుడు
స్వప్నంలోనూ నువ్వే ఉన్నప్పుడు
ఎదలోని భావాలను రాయకుండా వుండలేక
ఇక్కడ ఏవేవో అక్షరాలను పేర్చుతున్నా...
రాత్రి ఓ భయంకరమైన కల...
ఆ కలలో మనిద్దరికీ ఢిష్యూం ఢిష్యూం...
మనిద్దరి మధ్య ఏదో గొడవ...
కలలో కూడా ఊహించలేని ఈ సంఘటనతో
మళ్లీ ఉత్తరం రాయమని మనసు పోరుతోంది
నా కనులలో వెలుగై... నా ఎదలో మమతై..
నా జీవితంలో మహారాణివై..మంచి స్నేహితవై
తోడుండవా...
నీ జ్ఞాపకలతో
18వ రోజు
12-05-2016
కామెంట్‌లు లేవు:
కామెంట్‌ను పోస్ట్ చేయండి