29, నవంబర్ 2016, మంగళవారం

ప్రేమంటే కలిసుండటం కాదు... దూరాన్ని కూడా దగ్గరగా ఫీల్ అవ్వడం


వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:

మూర్తిమత్వం

ప్రతి పనికీ ఓ ఫలితం 
ప్రతి ఫలితానికీ ఓ రూపం
ప్రతి రూపానికీ ఓ వర్ణం 
ప్రతి వర్ణానికీ ఓ స్వరం
ప్రతి స్వరానికీ ఓ గాత్రం
ఆ ఫలితం
ఆ రూపం
ఆ వర్ణం
ఆ స్వరం
ఆ గాత్రం
ఆ అన్నింటి మూర్తిమత్వం
ఓ సజీవ సుందర శిల్పం
కనుల ఎదుట సాక్షాత్కరిస్తే...
ఆ ప్రేమమూర్తి
ఆ అనురాగ దీప్తి
నీవు...నీవు మాత్రమే..
- రాజాబాబు కంచర్ల
02-06-2016
వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:

పులకింత


ఏదో తెలియని తుళ్లింత
నీ మనసు తెలిసిన పులకింత
ఎన్నోనాళ్ల వేచిన వలపంతా
పూలజల్లై కురిసెను మనసంతా
మౌనం విచ్చుకున్న పువ్వయితే
ఇంక ఆపతరమా ఆ పరిమళాలు
నిశ్శబ్దం ఝంఝానిలం అయితే
చిరుగాలి వీయదా శరచ్ఛంద్ర వీచికలు
పరవళ్లు తొక్కే సంతోషం
మది విరబూసిన పూదోట పరిమళం
నిశీధి నీరవంలో వెలుగు సంతకం
వినీలాకాశంలో విహరించే ప్రేమపావురాలం
- రాజాబాబు కంచర్ల
21-05-2016
వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:

విరిసిన కమలం


హృదయం విరిసిన కమలం
ఉదయం హృదయ కోకిల గీతం
వదనం ప్రకృతి సోయగం
అధరం మది పరవశాల చుంబనం
హృదయమనే అద్దంలో
కనిపించే ప్రతిబింబం నీ రూపం
పూవుల సరాగాలలో
ఊసుల సరిగమల మాధుర్యం నీ స్వరం
శూన్యమైన వేణువులో
ఆమని ఒలికించి పలికిందొక గమకం
అనురాగపు జతలో
పయనించే తోడుగా నిలువనా జీవితాంతం
అధరాలు చిలికే మధురిమలు
అనురాగము లొలికే సరిగమలు
మధువును గొలిపే అందాలు 
మరింత చదవండి »
వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:

నేడు చలం పుట్టినరోజు


నేడు చలం పుట్టినరోజు (19-05-1894)
-------------------------
చలం...
ఒక చలనం.. సంచలనం
ఒక నిర్ణిద్ర సముద్రం
ఒక మహా జలపాతం
ఒక ఝంఝానిలం
చలం...
ఆంధ్ర సాహిత్యంలో ఒక సుడిగాలి
సంఘంలో.. సాహిత్యంలో... ప్రజల ఆలోచనలలో...
తరతరాలుగా పేరుకుపోయిన కల్మషాన్ని కడిగేసిన దీశాలి
కొత్త గాలులకు తలుపులు తెరచి
కొత్త భావాలకు లాకులు ఎత్తిన సవ్యసాచి
మరింత చదవండి »
వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:

‘స్ఫూర్తిశిఖరం’


స్నేహపు బంగారు తీగలతో
బ్రతుకు బంధాలను చుట్టి
అన్యోన్యతా పందిరిపై
అల్లుకున్న తీగలు
లీలా సుందరయ్యలు..
ఆశయాల వెన్నెల్లో
ఆదర్శాల మల్లెల్ని పూచించారు
జీవితమంతా పరిమళించారు
ఒకరికి ఒకరై
అందరి కొరకై
ఆధిపత్యపు జాడల
నీడలేవీ పడకుండా
దంపతులంటే ఎలావుండాలో
నిరూపించారు...
ఆకాశంలో సగాన్ని
అసమానతా అగాధంలోకి
తోయొద్దనీ!
అతివలు జతకాకుండా
ఉద్యమగతి సాగదనీ
తరాలుగా దారుణ పీడన
తరుణులపై సాగుతోంది
ఒకరికి ఇంకొకరు
బానిసగా మారటం
మనసుకు సంకెళ్ళువేసి
మరలాగ మార్చటం
ఆస్తి నిండిన ఇంటిలోకి
ఆమెను కూడా త్రోసి
‘మను’వాడిన నాటకానికి
మనిషితనం నుసిచేసి
సహనంతో భరించమనీ
సహజీవనం సాగించమంటారు వాళ్లు
అది అనాగరిక నేరమంటావు నువ్వు
ఈ ఘోరాన్ని చూస్తూ ఊరుకోననీ
మహిళల పక్షం వహించావు
సమ సమాజాన్ని సాధించాలంటూ
సమతాగుణ నిధివై
మమతల సిరులు పంచావు!
కామ్రేడ్ సుందరయ్యా
సుందర కామ్రేడువయ్యా
----------------------------------------------------
కె.ఆనందాచారి గారు రచించిన
‘స్ఫూర్తిశిఖరం’
మహామనీషి పుచ్చలపల్లి సుందరయ్య
దీర్ఘకావ్యం నుంచి....
సుందరయ్య గారి వర్థంతి సందర్భంగా...
------------------------------------------------------
వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:

శ్రీశ్రీ చతురోక్తి

ప్రాసకు, శ్లేషకు శ్రీశ్రీ పెట్టింది పేరు.
అల్పాక్షరాల్లో అనల్పార్థాన్ని సృష్టించడంలో ఆయన మేటి.
ఒకసారి ఓ పాఠకుడు ...
‘కమ్యూనిస్టు దేశాలలో సింహానికి, కుక్కకూ తేడా లేదంటారు.
ఇది ఎంతవరకూ నిజం?’’ అని అడిగాడు.
దానికి శ్రీశ్రీ...
‘‘అది సగం వరకూ... నిజం.
అలా అనేవాళ్లనీ కలిపితే మిగతా సగం పూర్తవుతుంది’’ అన్నారు.
వీరిచే పోస్ట్ చేయబడింది వద్ద కామెంట్‌లు లేవు:
లేబుళ్లు:
దీనికి సబ్‌స్క్రయిబ్ చేయి: పోస్ట్‌లు (Atom)